Жените кои раѓаат подоцнa – живеат подолго

Кај жените кои раѓаат подоцна во текот на животот е забележано забавување на процесот на стареење и живеат подолго, велат научниците.

Студиите покажуваат дека жените кои родиле дете по 33-та година имаат два пати поголеми шанси да го прослават својот 95-ти роденден, во споредба со оние кои последното дете го родиле на 29 години.

Главниот истражувач Др.Томас Перлс од Бостон Универзитетски Медицински Центар во САД изјави дека овие наоди не треба да ги натераат жените да раѓаат подоцна во животот. Тој изјавува: „Се разбира, ова не значи дека жените треба да чекаат да имаат деца на постара возраст, со цел да ги подобрат своите шанси за подолг живот. Возраста на последното породување може да биде индикатор за стапката на стареење. Способноста на жената да роди во подоцнежните години укажува на тоа дека нејзиниот репродуктивен систем старее полека, а со тоа и остатокот од нејзиното тело“.

Научниците дошле до овие резултати вршејќи испитувања на 462 жени кои имале дете во подоцнежните години од животот и колку тие жени живееле.