BabinLEK Lekovite na nasite babi ne gi pobila medicinata do den denes
Ве боли грлото – Направете мешавина од 1 лажичка сол и 2,5 децилитри вода и мешајте додека солта не се растопи. Со растворот испирајте ја усната шуплина неколку пати на ден.
Изгореници на уста – Ако сте изеле нешто врело или луто направете раствор од половина лажичка сол и два децилитра млака вода и нанесувајте на секој половина час.
Болни и чувствителни непца и чирови на устата – Направете раствор од 1 лажичка сол и 1 децилитар млака вода и премачкувајте ги често. солта ќе ја дезинфицира раната на устата.
Забоболка – Привремено решение пред да одите на стоматолог кој ја намалува болката е испирање на устата со раствор од 1 децилитар млака вода и 2 лажички оцет и 1 лажица сол.
Алергија и запаление на синуси – Солта е спас за изиритирана слузница. Зовријте 2 до 3 децилитра вода и додајте сол толку колку водата да биде солена како море (не пресолена). Чекајте да се излади, сипете ја во мали шишенца од капки за нос и два пати на ден капете во нос. Со истиот раствор можете да го и испирате носот така што ќе го преточите во чајник или слично, навалете ја главата во мијалник и сипајте во едната па во другата носница. На крајот издувајте го носот.
Убоди од инсекти – Солта може да ја ублажи болката и да го намали отокот од убоди од пчели или некој друг инсект. Од солта направете густа паста. Солта ќе ја намали иритацијата на кожата и ќе ја намали болката.
Болни и отечени нозе – Направете купка за нозе која ќе ги намали отоците на нозете и зглобовите и која ќе ги одмори нозете. Во леген сипете топла вода и додајте околу 4 лажички сол и неколку капки етерично масло од чајно дрво, лаванда, мента или еукалиптус. Држете ги нозете во растворот околу половина час.
