Јапонски бабини лековити рецепти

Чај од „Умебоши“ сливи

Умебоши сливите се берат во месец Јуни, па потоа се ставаат во глинени тегли со морска сол додека да ферментираат. Се смета дека се многу лековити.
Загрејте 2 или 3 умебоши сливи на тивок пламен, внимавајќи да не изгорат. Додате ги во шолја жежок чај. Напивката предизвикува потење, што пак ја намалува температурата и го забрзува процесот на оздравување.

Печен млад кромид

Исечете добра порција од белиот дел од неколку стебла млад кромид. Печете ги на ниска температура, внимавајќи да не загорат. Завиткајте го снопот во газа и притиснете ги стеблата едно кон друго. Одвиткајте и уживајте. Се смета дека овој лек е добар за циркулацијата на крвта, ги смирува воспаленијата, а покрај при болното грло, помага и при затнат нос.

Гинко ореви

Плодовите на дрвото Гинко се неверојатно смрдливи и кај некои луѓе можат да предизвикаат алергиски реакции. Но ако имате пристап до нив и не сте алергични, јадењето 5 или 6 од нив ја олеснува кашлицата и го редуцира шлајмот.

Мед и дајкон

Исечените парчиња од дајконот се потопуваат во мед и се оставаат 2 до 3 дена да отстојат. Создадениот сок (сируп) е ефективен супресант и ја „задушува“ кашлицата.

Лотосов корен

Се смета дека супата од издробен или изрендан лотосов корен, сос од соја, ѓумбир и „arrowroot“ (брашно од корени на тропски растенија) е еден од најбрзите лекови против настинка.

Кромид и ѓумбир

Издробете четвртина кромид и малку ѓумбир. Ставете ги во шолја со врела вода и додадете една супена лажица мед. Смесата помага при затнат нос.

Следните два се малку чудни:

Кромид за синуси и затнат нос

Како привремено решение за затнатиот нос, јапонските баби препорачуваат да земете парче исечен кромид и да го помирисате неколку пати, вдишувајќи што подлабоко од миризбата. Ги прочистува синусите и краткорочно го олеснува затнувањето на носот

Ѓумбир и маслиново масло за главоболка

Против главоболка, старите дами од Јапонија препорачуваат паста од издробен ѓумбир и масло од сусам. Пастата се нанесува на челото и слепоочниците.

Не можеме да кажеме со сигурност дека рецептите делуваат, но старите жени во Јапонија дефинитвно веруваат дека е така.

365.com.mk