Одете боси за да им ја вратите енергијата на виталните органи

Знаете ли дека на нашите стапала и на дланките постојат точки поврзани со сите витални органи во телото? Со стимулирање на тие точки ги масираме внатрешните органи и го подобруваме протокот на виталната енергија низ нив, а со тоа стануваме и поздрави и повитални.

Некогаш луѓето оделе боси по трева, камења, на плажа и на тој начин сосема природно се одвивал овој процес на акупресура.

Енергијата во нашето тело
Во нашите тела тече биоелектрицитет, кој им дава енергија на сите наши органи за да функционираат правилно и балансирано. Тој биоелектрицитет тече низ мрежата меридијани, која е слична на крвотокот.

Меридијаните почнуваат на секој прст од двете раце, се протегаат низ целото тело и завршуваат на врвовите од прстите на стапалата. Kога тие се проточни, електрицитетот тече непречено и сите органи ја добиваат енергијата што им е потребна за оптималната работа.

Kога од која било причина тој тек е попречен, енергијата не може да дојде до одреден орган, поради што се јавува нарушување на неговата работа, кое со текот на времето прераснува во болест.

На дланките и на стапалата има низа “прекинувачи” за сите наши витални органи и делови на телото. На прстите на рацете се точките за главата – мозокот, синусите, очите и за ушите. На горниот дел од дланката и стапалото се точките за горниот дел од трупот, а на долниот дел од дланката и од стапалото – за долниот дел од телото.

За да ги активирате овие точки, треба да ги масирате стапалата или да шетате боси.

Масажа на стапалата

Акупресурната масажа претставува притисок врз одредени делови од телото за тие да бидат исцелени и да се одржи оптималната рамнотежа во организмот.

За оптимално здравје и виталност, секое утро пет минути масирајте ги секоја дланка и стапало. Притисокот мора да биде силен, но не и прејак. Може да испробате и на домашна вага и тој треба да се движи некаде од 1,4 до 2,3 килограми.

Иако методата е исклучително едноставна, ефектите и бенефитите што се постигнуваат со нејзиното практикување се неверојатни.

Ако имате проблеми со синусите, напнатоста, проблеми со варењето на храната, недостиг од енергија, чести инфекции, срцеви проблеми и хормонални нарушувања, може да ги решите со помош на акупресурата.

Со неа ќе им помогнете на заболените органи да ја добијат енергијата што им е потребна за оздравување.

Но секако испробајте, наместо или како дополнување на масажата на стапалата, да се прошетате боси по камчиња, на плажа, по трева… На тој начин ќе ги добиете сите благодети на акупресурната масажа. А освен што ќе си ги измасирате стапалата, ќе остварите контакт и со Мајката Земја, што ќе ве наполни со неопходната енергија.

Вземјете се

Исто како што светлината на Сонцето ни обезбедува витамин Д, Земјата ни обезбедува уште една неопходна состојка, која може да се нарече и витамин З. Таа се смета за запоставен фактор во појавата на болестите, нешто како алката што недостига. Д-р Гери Шварц, професор по психологија и медицина на Универзитетот во Аризона, изнел претпоставка дека вземјувањето е исто толку битно колку и Сончевата светлина, воздухот, водата и храната.

Вземјувањето е контакт со природната електрична енергија на Земјината површина. Се остварува едноставно – кога одиме боси или кога седиме или работиме со земјата.

Досегашните истражувања дале многу докази дека површинската енергија на земјата има значајни здравствени бенефити. Kако прво го намалува нивото на стресот, го подобрува здравјето на кардиоваскуларниот систем, го намалува влијанието на штетните електромагнетни полиња, го забрзува закрепнувањето по болест и заздравувањето на раните и го подобрува квалитетот на сонот. Студиите покажале дека вземјувањето има силно влијание на чувствителната рамнотежа помеѓу здравјето и болеста и на прогнозите за подолг и подобар живот.

Kако се оди бос?

Ако решите да се обидете да одите боси, почнете полека и постепено зголемувајте го времето во кое се движите без обувки, но не заборавајте дека чекорот ќе ви биде многу различен во споредба кога сте обуени. Слушајте си го телото и обидете се да се усогласите со внатрешното знаење како се оди бос.

Најдобро е да почнете со босоного шетање на мека подлога како што е песокот, а кога мускулите и зглобовите ќе ви зајакнат, а кожата на табаните ќе се здебели, полека ќе може се повеќе да одите боси и тоа по различни подлоги. Нашето тело е совршено и долговечно ако научиме да се грижиме за него на исправен начин.

Дневник