Home / Болести и лечење / Ви влијае ли времето на здравјето? Метереопатијата носи болести

Ви влијае ли времето на здравјето? Метереопатијата носи болести

Секогаш кога се менува времето, во атмосферата се создаваат електромагнетни импулси кои делуваат врз организмот и потикнуваат негова реакција и прилагодување. На тој начин, времето,  а особено ненадејните временски промени, екстремно ниските или високи температури, притисокот на воздухот, влажноста и други метеоролошки елементи го оптеретуваат организмот.

Реакцијата која следи е различна, некои луѓе се помалку или повеќе чувствителни на промените.

meteoropatija-2del--504x335Метеотропизам претставува чувствителност на промените на временските услови. Симптомите на метеоропатијата се непријатни и многу лесно се препознаваат. На пример, силни мигренозни главоболки, респираторни проблеми, алергии, проблеми со кожата, проблеми со циркулацијата, болни зглобови, срцеви палпитации, отежнато дишење и сл. Тие најчесто се јавуваат пред настанувањето на промената на времето, а со самата промена се намалуваат или изчезнуваат.

Луѓето со системски заболувања и хроничните болни се повеќе склони кон болка при одредени временски појави. Ревматските болки се јавуваат кога настапува влажно време со низок воздушен притисок. Многу топлиот и сув воздух непогодно влијае на појавата на инфекции. Метеоропатските главоболки обично се предзнак на различни временски промени. Одделни студии кои се спроведени во послените неколку години укажуваат дека постои зголемен ризик од срцев удар во текот на зимата, кога одеднаш се разменуваат топли и ладни фронтови, и во летни денови при влажни временски услови. Исто така деновите со магла, облаци и промена на воздушниот притисок се ризични за здравјето на чувствтелната група на луѓе.

Болести поврзани со времето

Зголемената чувствителност на временските промени вообичаено се јавува кај луѓето кои страдаат од следниве здравствени проблеми

-Психосоматски (депресија, анксиозност, замор, недостаток на концентрација, нервоза и сл.)

-Кадиоваскуларни

-Алергиски

-Ревматски

-Респираторни

-Хронични

Особено чувствителна категорија на луѓе, претставуваат хронично болните, кои страдаат од заболувања на срцето, висок крвен притисок, проблеми со дишните патишта, асма, артритис и др. Болките кои вообичаено се јавуваат во долниот дел на грбот кај луѓето кои страдаат од артритис, реума, како и болки во мускулите постои можност да се поврзани токму со промената на временските услови. Луѓето кои страдаат од овие непријатности се убедени дека токму студеното и влажно време придонесува да се чувствуваат полошо. Тие тврдат дека се способни да го предвидат времето врз основа на нивните симптоми.

Промената на атмосферскиот притисок може да предизвика моментална промена на крвниот притисок на човечкото тело, иритација на нервните завршетоци и да доведе до засилено чувство на болка.

Симптомите се менуваат од човек до човек, и нивниот интензитет во основа се зголемува кај повозрасните и оние луѓе со заслабнат организам поради појавата на некоја болест. Понекогаш, симптомите можат да бидат прикриени или да бидат поизразени, што може да биде резултат на основната болест која нема никаква поврзаност со промената на временските услови.

Пациентите кои имале срцев удар се повеќе чувствителни на времето од оние лица кои никогаш не доживеале срцев удар. Кај нив чувствителноста понекогаш трае и неколку години по заболувањето. Научниците се обидуваат да утврдат кои временски услови најмногу влијаат врз оваа категорија на пациенти. Тие не се доволно сигурни дека чувствителноста е резултат на срцевиот удар или е претходник на идни можни проблеми.

Кои реагира на променливото време 

Луѓето кои боледуваат од вегетативно-васкуларни болести (патолошки промени на крвните садови) се под влијание на сите мали атмосферски промени – амплитуди во природата.

Луѓето со хронични заболувања на нервниот, урогениталниот и имунолошкиот систем, исто така, спаѓаат во категоријата која е многу чувствителна на временските промени.

Исто така луѓето кои прерано ги чувствуваат промените на времето, како на пример наудување на снежна бура во текот на зимата, се подложни на поголемо растројство во споредба со оние кои промените ги чувствуваат речиси пред самото нивно наидување.

Извадок од Временските услови и здравјето – В.Спиридонов, О.Зафировски

Leave a Reply

Your email address will not be published. Required fields are marked *

*

Scroll To Top