Free songs
Home / Болести и лечење / Поголем стомак – послабо срце

Поголем стомак – послабо срце

Зголемувањето на килограмите е лошо за срцето, дури и ако луѓето не се дебели. Шансите за срцеви болести се зголемуваат не само со годините, туку и со зголемување на телесната тежина, покажуваат резултатите од најновите истражувања на Универзитетот Оксфорд.

Fat man holding a measurement tapeСекои пет единици зголемување на индексот на телесната маса кај жените го зголемува ризикот од срцеви болести за дури 23 отсто. Научниците од Оксфорд откриле дека зголемувањето на индексот на телесната маса има подеднакво ист ризик од срцеви болести, како и стареењето.

Истражувачкиот тим набљудувал 1,2 милиони жени во Англија и во Шкотска повеќе од 10 години, со цел да се добијат поточни информации.

– Ризикот од срцеви заболувања е видлив и при мали зголемувања на индексот на телесна маса, а тоа не е забележано само кај дебелите жени, изјави еден од авторите на студијата, доктор Декстер Кеној.

Тој додаде дека малите промени на индексот на телесна тежина, заедно со здравиот живот, што подразбира откажување од цигари и алкохол, можат да спречат појава на срцеви болести кај голем број луѓе.

Share Button

Leave a Reply

Your email address will not be published. Required fields are marked *

*

Scroll To Top