Таблетите за спиење имаат влијание и 24 часа по нивната употреба

Европската агенција за лекови предупреди на несаканите продолжени ефекти од лекот „стилнокс“ и другите таблети за спиење кои содржат „золпидем“, кои влијаат на нервниот систем дури и 24 часа по употреба на лекот.

„Стилнокс“ се дава за лекување на акутна несоница, а може да има влијание и до 24 часа по земањето на лекот, што е многу ризично за лицата кои возат.

Американците минатата година спровеле истражување на овие лекови и заклучиле дека рефлексите се слаби, а чувството на замор трае долго.

Европската агенција побарала од фармацевтската компанија „Санофи“ да го смени упатството за употреба за лекот.