Произведени “супер банани“ кои можат да спречат смрт на илјадници деца

Во САД наскоро за прв пат на луѓе ќе бидат тестирани првите генетски модифицирани банани, кои содржат многу хранливи материи, кои би можеле да бидат лек во борбата против дефицитот на витаминот А, што е причина за смртта и слепилото кај децата, особено во сиромашните (афрички) држави.

“Поради недостиг на овој витамин, секоја година умираат 650.000 до 700.000 деца во светот, а уште 300 илјади од нив, го губат видот“, објаснува професорот Џејмс Дејл, од австралискиот Квинслед универзитет за технологија.

Клиничките испитувања на овие банани, би требало да бидат завршени до крајот на оваа година, а потоа од 2020 година ќе почне сериозно одгледување на полињата во Уганда. Ако бананите се покажат како добро решение, можеби на овој начин со генетески инженеринг, да се збогатуваат и други земјоделски култури.