Боракс – минерал што може да ве спаси од артритис

Иако на прв поглед изгледа шокантно дека бораксот, состојка на детергентите и силен инсектицид, може да се користи и за лекување, сепак неговото терапевтско дејство е потврдено со многубројни експерименти направени од угледни стручњаци во светот. Некој ќе рече: Ако е така, зошто не знаеме за тоа. Поклониците на алтернативните медицински решенија веднаш ќе одговорат дека на моќната фармацевтска индустрија не ~ одговара да знаеме дека евтиниот боракс е лек и оти од тие причини е прогласен за опасен отров. Како доказ за тоа дека бораксот не е отров, се наведува неговата широка примена во козметика како состојка на кремовите, лосионите, шампоните, геловите, солите за капење…. што укажува дека ни од далеку не се работи за отров кој е погубен за здравјето на човекот.

Во козметиката, бораксот се користи бидејќи поседува антисептични својства и одлично ја чисти кожата и ја одржува здрава.

Во некои земји тој се користи и како додаток на храната (со ознака E285). На пример, го има во некои видови кавијар, во кинеската храна (тестенини и оризови топчиња), исто како и во традиционалните индонезиски рецепти. Хомеопатската медицина одамна го познава скапоценото дејство на бораксот, особено во лекувањето на херпесот, акните и за проблемите со раздразливоста.

Природен минерал

Бораксот е природен минерал – сол на борната киселина, бел кристален прав растворлив во вода. Наоѓалиштата на бораксот се во исушените корита на реките и езерата, најчесто во Турција и во Калифорнија.

Хемискиот елемент бор е есенцијална состојка на сите растенија, нужен е за нивниот правилен раст и развој, па во организмот може да го внесеме и преку храната. За жал, таквиот внес е често недоволен, поради тоа што синтетичките ѓубрива не му овозможуваат на растението да се снабди со доволно бор од почвата или пак поради тоа што не јадеме доволно овошје и зеленчук.

Но, за среќа, бор без никаква опасност може да се внесува во организмот како додаток на исхраната, а се користи и за лекување.

Помош за многу болести

Наспроти неговите вредни својства, конвенционалната медицина не го смета за нужен за нашиот организам. Но истражувањата го тврдат спротивното и врз основа на многу експерименти е утврдено дека бораксот има ефикасно антигабично, антивирусно и антисептичко дејство.

Според истражувањата на германскиот онколог д-р Пол-Герхард Зигер, недостигот на бор во организмот е еден од факторите за настанувањето на туморите. Со боракс може да се третираат повеќе болести. Најпознат е во лекувањето на артритисот и на таа тема објавени сè повеќе научни трудови.

Независно од тоа, во народната медицина одамна е познато дека копривата, токму благодарение на борот, е докажано одлична во лекувањето на ревмата и артритисот. На зглобовите зафатени од артритис им недостига бор и затоа е нужно тој да биде надоместен. Исто така, како и магнезиумот, бор е неизоставен дел од терапијата на остеопорозата и е важно да се внесува колку и извиканиот калциум, оти ако тој се зема без додаток на бор и магнезиум само ќе се влоши состојбата поради нерамнотежата на елементите.

Понатаму, кандидијазата, една од епидемиите на денешницата, одлично се сузбива со боракс. Нејзиното лекување со боракс дури и во тешките случаи брзо носи резултат.

Лекувањето со боракс може да помогне кај:
– лупус
– артритис и ревма
– остепороза
– гихт
– кандида
– разни видови тумори
– кардиоваскуларни болести
– проблеми со видот
– дерматитис и псоријаза
– нарушување на рамнотежата
– проблеми со памтењето
– хроничен психички или физички умор
– проблеми врзани со менопаузата и со ПМС

Бораксовиот раствор на Валтер Ласт

Угледниот биохемичар, токсиколог, истражувач и автор на неколку книги за лечење со природни средства, Валтер Ласт е голем поборник на лечењето со боракс. Како и бројни други авторитети, Валтер Ласт упорно истакнува дека бораксот е всушност двојно помалку токсичен од готварската сол што секојдневно ја консумираме. Јасно, како и во сите други случаи, она што во мали количини е лек, во големи е отров. При употребата на бораксот единствено важно е правилно да се подготви растворот и потоа да се употребува на правилен начин.

Една до врв полна чајна лажичка (5-6 грама) боракс се додава во 1 литар вода и добро се промешува с` додека бораксот целосно не се растопи.

Се препорачува да се зема едно чајно лажиче (5мл) од овој раствор еден до два пати дневно. Таа количина се додава во чаша вода и се пие во текот на оброкот.

Во терапијата на потешките заболувања потребни се поголеми дози. Но начелно се почнува со мали дози од 3 до 5 мл, на секој час.

Ако дојде до непријатни нуспојави (како мачина, пролив, повишена температура), се намалува дозата, но не се откажувајте бидејќи резултатот нема да изостане.

Покрај тоа, препорачливо е значително да се зголеми внесот на течности, особено на вода со сок од лимон.

За надворешна употреба ( на пример за атлетско стапало) направете раствор на боракс во вода и нанесете го на болното место. Оставете да се исуши на кожата, не го плакнете. Ако почувствувате сувост на кожата, нанесете алое вера гел или некое природно масло. Понекогаш е доволен и само еден третман за да се излечи атлетското стапало. Се подразбира дека со бораксот треба да се ракува во склад со здравиот разум и да се внимава неразредениот боракс да не дојде во допир со очите или со рани како што се исечениците и изгоретините.

Освен ова, под услов да се користи правилно, бораксот е безбеден за човековиот организам.