BabinLEK Lekovite na nasite babi ne gi pobila medicinata do den denes
Висока температура, труење со храна, убод од инсекти, сончаница, црвенило и други слични проблеми може да го уништат летниот одмор.
Доколку одите со деца без лекови и препарати не смеете да одите ниту до плажа.
Порталот zdravstvo24.mk пишува дека во мини аптеката задолжително мора да имате лекови против болка и висока температура во форма на таблети, гелови , сирупи како и супозитории за деца и како и анти-гадење апчиња.
Исто така и алкохол за испирање на рани, антибиотици и стерилна газа, завои и фластери.Против убоди и каснувања од инсекти не заминувајте без гелови за црвенило, оток и чешање на местото на убод.
Овие препарати можат да ви послужат и кај алергиски реакции од сонцето, печење од медузи или некои црвенило на кожата.
Течни електролити, пробиотици и активен медицински јаглен мора да бидат во багажот бидејќи тие ќе ви помогнат при проблеми со цревата.
Климатските промени и постојано капење може да доведат до инфекции на увото, па капки за уво мора д аимате во мини аптеката. Додека ставате капки во уво, со назален спреј мора да го чистите и носот за да се ослободи притисокот на болното уво. Поради климата и солената вода може да дојде и до оштетување на очите и нивно сушење. Затоа носете и капки за очи, пишува zdravstvo24.mk.
