Хомеопат од Скопје спасил Бугарин од ампутација на гангренозна нога

Бугаринот Kирил Николов од Дупница се спасил од ампутација на ногата, благодарение на лекот што го добил од скопскиот хомеопат, Петар Мандалов, објави бугарскиот портал Виарањуз, пренесува Плус Инфо.

Пензионираниот рудар Николов и неговата сопруга Аниелка Николова при повторната средба ги прегрнале и ги бакнале лекарот Петар и ќерка му Ангелина Мандалова-Видеска, која е фармацевт, кои му помогнале да се излекува.

Пред една година Kирил бил на смртна постела од гангрената на стапалото кое веќе било сиво, а која ја добил поради тешкиот дијабетес.

– Во болницата на Ени Лефтеров, доктор Вардаров ме прегледа и веднаш ми рече: „Мора да сечам. Месото е скапано, мириса“. Жена ми се ужасна – раскажува Kирил.

Состојбата му се влошувала од минута во минута, кога случајно нашол телефонски број од Мандалов. Му се јавиле и веднаш тргнал кон Скопје.

– Тој ме врати во живот за само две недели. Гледав и не им верував на очите дека на распаднатото стапало почна да расте месо и кожа, како сунѓер. Немав вени, а сега вените ми се дебели како показалец. Немам зборови, можам само да ви покажам слики за да видите како изгледав, а колку сум денес среќен. Моето срце е преплавено од благодарност и сакам на целиот свет да му кажам: Луѓе, има спас дури и од гангрена. Јас имам нова нога и воскреснав за нов живот – раскажува Kирил.

Сопругата Аниелка деноноќно била покрај болничкиот кревет на сопругот и му ја чистела раната. Таа раскажува дека трагедијата почнала лани на 14 јули за време на семејната слава во чест и здравје на нивниот син, кој на тој ден преживеал тешка сообраќајна несреќа.

Петар му ја исчистил раната на Кирил. По две недели, престанало да паѓа месото кое скапувало и веќе се гледале тетивите и лигаментите. Почнало да се создава ново ткиво.

– Сево ова го постигнавме само со лекот на Петар. Отидовме во Софија за да го прегледаат лекарите. Kога му ја видоа ногата, рекоа дека стапалото ќе заздрави само со чистење. А замислете, само две недели порано сакаа да му ја сечат ногата – раскажува Аниелка.

Петар го советувал Kирила да го пие лекот седум месеци, но тој го пиел девет.

Според Аниелка, лекувањето месечно ги чини околу 100 евра. Производот е смеса од црвено вино и лековити билки. Ги заштитува крвните садови, влијае антивоспалително, дејствува како моќен антиоксиданс. Во него има невен, глог, кантарион, но ни и алкохол. За да дејствува подобро, болниот не треба да пие алкохол, да пуши, да внесува кофеин, мрсна храна и треба да премине на здрав и природен начин на живот и исхрана.

– Лекот „Артерико“ добро дејствува и за нормализирање на крвниот притисок, проблеми врзани со дијабетес и со зараснување на раните. Има луѓе што за три месеци се „бомба“, но на некои им треба подолго време. Не може 20 години да си се труел и да сакаш за три дена или три месеци да оздравиш целосно – категорична е Ангелина, која ја развила формулата на татка си во семејната лабораторија.