Состојка на лутата пиперка поврзана со помал ризик од рак на дебелото црево

Истражување спроведено на Универзитетот Калифорнија покажува дека состојка на лутата пиперка е поврзана со помал ризик од заболување од рак на дебелото црево.

„Тhe Journal od Clinical Investigation“ ги објави резултатите од експериментите спроведени врз глувци според кои внесот на капсаицин, активна состојка во лутата пиперка, е поврзан со намален ризик од тумори на дебелото црево.

Се покажало дека капсаицинот го активира рецепторот по име TRPV1 во клетките на дебелото црево.

Исто така, внесот на капсаицин кај глувци кои веќе имале тумори на дебелото црево резултирал со продолжување на очекуваното траење на животот за 30 проценти.

Истражувачите веруваат дека овие наоди се применливи и на луѓе.