Шафран – скапоцен зачин

Вистинскиот шафран (Crocus sativus) е многу скапоцен зачин, бидејќи се состои од осушени и сомелени толчници на цветови од шафран.

Производството е многу сложен процес, а за добивање на 1 килограм од овој зачин, потребни се 150 до 200 илјади цветови. Потекнува од Мала Азија, а како зачин се користи од памтивек.

Шафранот има силен мирис и вкус со малку горчлива нота. Има жолта боја која се раствара во вода, па во кулинарството често се користи за боење. Инаку, се додава во јадења со ориз (Рижото Миланезе), супи, сосови, а е идеален за пецива и колачи кои треба да добијат жолта боја. Бидејќи во последно време многу поголемо значење му се придава заради бојата, а не заради вкусот, може да се замени со многу поефтината куркума која исто така дава кактеристична жолта боја.