BabinLEK Lekovite na nasite babi ne gi pobila medicinata do den denes
Мозочниот удар ќе може да се открие и пред да се случи со новите апарати со кои неодамна се поднови скопската Kлиника за неврологија, велат надлежните. Оваа животнозагрозувачка дијагноза годишно се дијагностицира кај 4.000 пациенти во земјата, и, за жал, кај многумина е фатална за животот.
Веќе се прегледани над 50 пациенти
Лекарите тврдат дека навременото откривање и терапија на мозочниот удар може да го спаси животот на болниот и значително да го намали инвалидитетот од истиот.
– Еден од апаратите е транскранијалниот доплер. На главата на пациентот се поставува уред кој личи на капа, преку кој се гледа колку е оштетена мозочната циркулација – колкаво е затнувањето на крвните садови и друго. Па преку овој апарат отсега можеме да открие пациент кој е ризичен за добивање мозочен удар и која е можноста да се случи таков инцидент.
При мозочен удар се случува слабост на една страна од телото, тешкотии со зборувањето, искривување на лицето, отрпнатост на една страна од телото, тешкотии со видот, со рамнотежата. Најблиските што се до лицето што ги има овие симптоми никако да не чекаат – веднаш да повикаат брза помош, за што побрзо да се прегледа пациентот и да се процени состојбата.
