BabinLEK Lekovite na nasite babi ne gi pobila medicinata do den denes
Расте бројот на заболени во земјава од оваа болест на кожата, при што годишно се регистрираат по 200 случаи на меланом. Дерматовенеролозите предупредуваат дека доколку болеста се открие на почетокот, тогаш во 95″ до 100% од случаите се лекува. Тие препорачуваат самоконтрола и едукација на пациентите за рано откривање на меланомот.
Ризик-фактор за ракот на кожа е возраста над 50 години и над 50 бенки. Лекарите препорачуваат од 11 до 16 часот да не се сончаат граѓаните кога ќе заминат на годишен одмор, да не практикуваат таканаречено викенд-сончање за брзо потемнување и да не користат солариуми. Да се користат креми со 30 и 50 заштитен фактор, а земјоделците и градежните работници да носат капи, светла облека и очила.
Според примариус д-р Агрон Старова од Универзитетската клиника за дерматологија, најважно е пациентот да прави самопреглед и доколку забележи каква било промена на кожата, да се обрати на лекар.
Податоците со кои располага Институтот за јавно здравје покажуваат дека во Македонија во 2012 година од меланом умреле 64 лица, од кои 39 мажи и 25 жени. Од вкупно починатите, 63 се на возраст над 20 години, а едно помало од 20 години. На Универзитетската клиника за дерматологија од 2005 година се применува методот за рано откривање на меланомот.
