Легализација на марихуаната во Македонија за медицински цели

Се погласни се кампањите за легализација на марихуаната за медицински цели и во Македонија. Невладини организации и здруженија на граѓани со иницијативи на социјалните мрежи, делење флаери и одржување семинари бараат лековитите својства на канабисот да бидат користени за лекување на тешки заболувања. Но, од друга страна експертите сметаат дека сеуште нема цврсти научни докази за тоа, пишува Прес24.

-Сеуште тоа е во експериментална фаза на животни, изјави д-р Андон Чибишев, токсиколог.

Од политичките партии во земјава јавно својот став за легализација на канабисот во медицински цели неодамна преку соопштение го кажаа од Либерално-демократската младина (ЛиДеМ). Тие ја подржуваат оваа идеја.

-Економските, медицинските и социјалните импликации на употребата на канабисот во медицински цели е лесно воочливи од досегашните примери, како во Европа, така и во светот, а се почесто сме сведоци и на вакви иницијативи кои доаѓаат од републиките кои се наоѓаат на балканскиот полуостров“, се наведува во соопштението на ЛиДеМ.

Токсикологот Чибишев смета дека пред да се озакони употребата на марихуаната во медицината неопходни се бројни јавни дебати.

– Во дебатите треба да бидат вклучени експерти од повеќе области, изјави д-р Андон Чибишев, токсиколог.

Неодамна Албанскиот парламент ја отфрли иницијативата за легализација на марихуаната за медициски цели. Слични дебати се водат и во Србија и Хрватска. А Словенија и Чешка,Словачка се дел од европските земји каде законски е дозволено користење на канабисот во медицината, истото е легално и во 30 земји во САД.

Прес24.мк