За замастен црн дроб – овој пијалок е магичен

Доколку стравувате од мрсен црн дроб, цироза или некој од вашето семејство имал тумор на овој орган, тогаш кафето за вас е вистинска работа. Научниците докажале дека три шолји кафе на ден можат да ги спречат ризиците од овие болести за цели 50 отсто. Најновото италијанско истражување покажало дека редовното консимирање кафе може двојно да го намали ризикот од рак на црн дроб.

– Нашата студија покажа дека кафето навистина е добро за здравјето, посебно кога е во прашање еден толку важен орган како што е црниот дроб. Толку добриот ефект на кафето на спречувањето на ракот на црниот дроб можно е да е во директна врска со порано докажаното дејство на кофеинот на превенцијата од цироза, нарушеното лачење на ензимите и дијабетесот, сите главни причинители на рак – рекол авторот на студијата д-р Карло Ла Вехиј.

Во текот на истражувањето се проучувани медицинските досиеја од 4.000 пациенти, учесници на поранешните студии во врска со ракот и другите болести на црниот дроб. Од карцином на црн дроб, инаку шести по зачестеност на тумори на светот, најчесто заболуваат болните од хепатит Б и Ц, но и тешките алкохоличари, пушачите и претерано дебелите луѓе, како и сите други склони на дијабетес тип 2.