25 години бил неподвижен – се пријавил да биде заморче на тестирање – сега оди (Видео)

Џо Фишер имал незгода во која скршил 4 пршлени и бил врзан за инвалидска количка. Тој цели 25 години не можел да оди, но откако му понудиле да учествува во тестирањето на овој производ, денес тој има надеж повторно да прооди.

Бионичкиот систем „ReWalk“ е најновото откритие во модерната медицина, кој им помага на луѓето кои се неподвижни повторно да можат да чекорат.

Со помош на ова помагало, кое се прицврстува за нозете и ги напојува преку батерија која се носе во ранец, станал од инвалидска количка после долги години.

Движењата ги детектира и ги координира мал систем кој се става на рачниот зглоб, како часовник, пренесува Остин Американ Стејтсмен.

Овој подвижен моторизиран егзоскелетон е конструиран во Израел, а пациентите од САД засега може да го користат само во болниците.